Skuadra e Milanit po kërkon të finalizojë blerjen e mesfushorit të talentuar italian, Sandro Tonali. Lojtari është cilësuar në vitet e fundit si “Andrea Pirlo i ri” falë vizionit të tij të lojës, ndonëse në sezonin e kaluar te “Djalli” nuk e tregoi asnjëherë këtë.
Siç raportohet në orët e fundit, kuqezinjtë kërkojnë nga presidenti i Breshias, Masimo Celino, një ulje të çmimit për blerjen e Tonalit.
15 milionë euro cilësohen si një çmim tepër i lartë dhe për këtë, Maldini dhe Masara po kërkojnë të mbyllin operacionin për një çmim më të arsyeshëm. Sandro Tonali, edhe pse nuk ka lënë një përshtypje shumë të mirë, perspektiva i përket pa dyshim 21-vjeçarit.