Magjistari i famshëm, Uri Geler ka bërë deklaratë të bujshme mbi fitoren e Anglisë kundër Gjermanisë në sfidën 1/8-ve të Europianit.
Geler u shpreh se ‘’3 Luanët’’ fituan falë magjisë së tij dhe se ishte po ai që ndikoi tek humbja e rastit të sulmuesit Tomas Myler pak para se Anglia të shënonte golin e dytë.
“Nuk ka asnjë dyshim në mendjen time se unë isha përgjegjës për rastin e humbur nga Myler. Para se sulmuesi të shkonte drejt portës, u ula në gjunjë dhe thash një, dy, tre, përkulu!
Unë do të lëshoj fuqitë e mia, të gjithë e dini se çfarë kam bërë në të kaluarën,” tha ai për ITV.
Ndër të tjera, magjistari izraelit u shpreh se tifozët e Anglisë mjafton të shikojnë foton e tij dhe të përfytyrojnë golat e Anglisë dhe ajo do të ndodhi.
