Itali-Spanjë do të jetë një ndeshje e veçantë për Cesar Azpilicueta, mbrojtësi i Chelsea-t, i cili do të sfidojë dy shokët e skuadrës Jorginho dhe Emerson Palmieri.
“Nëse dëgjohemi? Kemi një chat mes lojtarëve të Chelsea-t, është normale. Do të shihemi të martën, në fund kështu e ka futbolli: kur luan me kombëtaren mund të përballesh me shokët e skuadrës. Të martën, secili do të japë maksimumin për vendin e tij”, ka thënë spanjolli për Sky Sport 24.
“Jorginho? Është një lojtar i madh, e ka treguar te Chelsea dhe me Italinë. Është thelbësor për stilin e lojës, i pëlqen ta ketë topin në këmbë dhe të kontrollojë ndeshjen. Sa më pak të jetë protagonist, aq më e lehtë do të jetë për ne”.