Kampionati italian ka qenë “toka e ëndrrave” për të gjithë futbollistët shqiptarë. Mes vështirësive dhe sakrificave shumë prej tyre e bënë realitet diçka të tillë. Vite më parë ishin Loro Boriçi dhe Riza Lushta, ndërsa në kohët moderne kuqezinjtë ishin Erjon Bogdani e Igli Tare, pa harruar edhe Florian Myrtajn.
Sigurisht që me kalimin e kohës, numri tyre u rrit ndjeshëm dhe kuqezinjtë kanë bërë histori në kampionatin e Serisë A, por edhe në Serinë B. Pa harruar që në ligat e tjera më të ulëta janë dhjetëra shqiptarë, por edhe me skuadrat e moshave. Në ditët e sotme Elseid Hysaj, Berat Gjimshiti, Tomas Strakosha, Etrit Berisha, Marash Kumbulla, Federik Veseli, Ismajli, etj. Shumë të tjerë aktivizohen në kategoritë e tjera si Ndoj, Bajrami, Memushaj, Dermaku etj
