Futbollisti shqiptar, Përparim Hetemaj do të vazhdojë karrierën e tij në Itali, ku pas 2 viteve të kaluara me Beneventon, 34-vjeçari është transferuar tek Rexhina në Serinë B.
Lajmin e bëri të ditur vetë klubi italian, duke zyrtarizuar afrimin e Hetemajt në radhët e skuadrës. Mesfushori është një futbollist me mjaft eksperiencë pasi ka luajtur mbi 300 ndeshje në Itali, ku pjesën më të madhe të karrierës e shpenzoi për 8 sezone te Kievo.
Gjithashtu Hetemaj ka qenë më parë pjesë e HJK në Finlandë, dhe është aktivizuar për 3 vite me AEK-un në Greqi para se të transferohej tek Tvente në Holandë. Një karrierë mjaft e pasur futbollistike për shqiptarin, i cili në nivel kombëtaresh ka përfaqësuar Finlandën në vitet 2009-2017.
