Pas rinovimit me Edvan Bakajn, Kevi Berberin dhe Xhoel Plakun tani skuadra e Dinamos ka vijuar bashkëpunimin dhe me qendërmbrojtësin Endri Reçi.
21-vjeçari i cili ka qenë pjesë prej dy sezonesh tek klubi kryeqytetas ka firmosur rinovimin e kontratës dhe do të jetë pjesë e bluve në Kategorinë Superiore.
Tek Dinamo, Reçi shihet si një nga talentet premtues të ekipit dhe për këtë drejtuesit e kanë “blinduar” duke i ofruar rinovimin e kontratës.
Këtë lajm e ka bërë vetë publike klubi i Dinamos me anë të një postimi në profilin e tyre në rrjetin social “Facebook”.
NJOFTIMI I KLUBIT TË DINAMOS –
“Endri Reçi vijon kontratën me blutë 🔵
Ditën e sotme ka nënshkruar kontratën me Dinamon nje tjetër futbollist premtues i cili do të vazhdojë të jetë pjesë e bluve për sezonin e ri futbollistik.
21-vjeçari ishte pjesë e skuadrës gjatë dy sezoneve të fundit duke fituar besimin e stafit teknik për vazhdimësinë.
#SukseseReçi #WeAreBack #Dinamo”
