Mikel Arteta, trajneri i Arsenal, pas humbjes së shëmtuar 5-0 të pësuar kundër Manchester City-t, është shprehur kështu:
“Më vjen me të vërtetë keq për sa ka ndodhur në fushë. Të humbësh tri ndeshje nga tre nuk i bën gjërat shumë të lehta. Është koha për të menduar, të shihemi në pasqyrë, secili nga ne dhe të provojmë t’i ndryshojmë gjërat”.
Pavarësisht rezultateve zhgënjyese, spanjolli nuk ka dyshime se është trajneri i duhur për Topçinjtë.
“Tani na duhen rezultate. Unë ndihem njeriu i duhur për t’u ulur në këtë stol, përndryshe nuk do të isha këtu. Kam marrë gjithmonë përgjegjësitë e mia dhe e bëj edhe tani”.
