Juventusi e nis sërish keq kampionatin, pas një pjese të dytë horror. Madje, kundër Udinezes ishte hera e tretë në historinë bardhezi që ata e nisin me dy gola të pësuar, ndonëse ndaj Peruxhas në 1998-ën dhe ndaj Kievoës në 2018-ën kishte arritur që të fitonte gjithsesi.
– Ai i Paulo Dibalës pas vetëm 2 minutash e 3 sekondash është goli më i shpejtë në ndeshjen hapëse të një kampionati të Serisë A, në historinë e Juves.
– Ai i djeshmi ndaj Udinezes pas 123 sekondash ishte goli i dytë më i shpejtë në karrierën e Paulo Dibalës me Juventusin, në Serinë A, pas atij të realizuar në nëntor 2018 kundër Kaljarit, pas vetëm 42 sekondash.
– Nuk ndodhte që nga qershori 2020 që Paulo Dibala nuk shënonte dhe nuk ofronte një asist në një ndeshje të Serisë A (kundër Xhenoas).
– Paulo Dibala konfirmohet makthi i Udinezes, duke qenë se dje u realizoi golin e nëntë në karrierë, përveç se 7 asisteve të dhëna. Ndaj friulanëve më mirë se argjentinasi ka bërë vetëm Françesko Toti (13 gola, 7 asiste).
– Për herë të parë në karrierën e tij, Huan Kuadrado ka shënuar gol në ndeshjen hapëse të një kampionati.
– Që nga sezoni 2004-2005, kur uebsajti “OPTA” mbledh statistika, Juventusi nuk kishte shënuar kurrë dy gola në kampionat me dy goditjet e para në portë.
– Juventusi ka marrë 8 penallti kundër në kampionat, që nga fillimi i vitit diellor 2021. Vetëm Udineze me 13 penallti kundër ka pësuar më shumë sesa bardhezinjtë.
