Futboll Sport

“ÇMENDURI” NË FUTBOLLIN AUSTRIAK/ Godet me kokë një kundërshtar rastësor për t’ia treguar si shembull gjyqtarit

Rashid Arsanukaev, një futbollist rus i cili luan në kategoritë e ulëta të futbollit austriak, është bërë protagonist i një dënimi ekzemplar për një ngjarje shumë të rrallë. Lojtari i Viktoria 62 Bregenz, në kategorinë e nëntë austriake, është ndëshkuar me 48 ndeshje pezullim pasi ka goditur me kokë pa asnjë arsye një kundërshtar rastësor.

“Kronen Zeitun” ka treguar historinë absurde që çoi në këtë veprim, i cili do ta lërë atë jashtë fushave të lojës deri në vjeshtën e viti 2023, sipas përllogaritjeve të ndeshjeve të kësaj kategorie.

Gjatë ndeshjes kundër SPG Göfis / Sateins të 11 shtatorit, ai ishte ndëshkuar me dy kartonë të verdhë, të dytin si pasojë e protestave. I tërbuar nga vendimi i gjyqtarit, ai i ishte kthyer këtij të fundit me fjalët “Tani të tregoj se çfarë është e dënueshme” dhe i ishte drejtuar kundërshtarit që kishte më afër duke e goditur me kokë në fytyrë.

Viktima ka pësuar thyerjen e hundës dhe i është nënshtruar ndërhyrjes kirurgjikale, ndërsa Arsanukaev është përjashtuar edhe nga klubi i tij.

Related posts

“LEGJEONARËT”/ Sezon fantastik, sulmuesi Vajushi bën bomberin në Rumani (VIDEO)

Delo.autor

ËSHTË ZYRTARE/ Sheiku nuk ndalet në merkato, nënshkruan me talentin e Ajax… (FOTO)

Delo.autor

Mbyllen 45 minuta në Kategorinë e Parë, shënohen 7 gola në 9 ndeshje

Isa.Autor

Leave a Comment