I intervistuar nga Amazon Prime Video në prag të sfidës së mbrëmjes së sotme kundër Real Madrid, sulmuesi i Inter-it, Edin Dzeko, ka folur kështu për Simone Inzaghi-n dhe Romelu Lukaku-t:
“Trajneri Inzaghi ka bërë gjëra të mëdha te Lazio dhe shpresoj që tani të vazhdojmë t’i bëjmë bashkë në Milano, pas titullit të fituar me meritë sezonin e kaluar”, ka thënë sulmuesi boshnjak.
Në lidhje me Lukaku-n: “Ai i ka dhënë shumë Inter-it në dy vitet e fundit, ka fituar titullin dhe ka bërë shumë mirë. Megjithatë, unë nuk ndiej asnjë presion, mendoj vetëm për të ndihmuar Inter-in. Pres me padurim të luaj në Champions kundër Real Madrid. Do të ndeshemi menjëherë me më të mirët, jemi gati dhe presim me padurim”.
Në lidhje me Lautaro Martinez: “Dzeko-Aguero si Dzeko-Lautaro? Lojtarët e fortë mund të luajnë gjithmonë bashkë. Lautaro është një lojtar i madh dhe shpresojmë të bëjmë gjëra të mëdha bashkë për Inter-in”.
