Tifogrupi zyrtar i Kombëtares shqiptare ‘Tifozët Kuq e Zi’ njihen për praninë e tyre të përhershme në shkallët e stadiumit duke bërë tifo sa herë luan Shqipëria.
Së fundmi, ‘TKZ’-ja ka dalë pak nga spektri i futbollit duke ndërmarrë një nismë shumë të veçantë për të sensibilizuar qytetarët.
Tifozët kanë udhëtuar drejt lumit Vjosë duke e pastruar nga mbeturinat në një aksion ndërgjegjësues për turistët apo dhe vetë banorët përreth.
Me anë të një postimi në faqen e tyre në ‘Instagram’, tifogrupi ka shpërndarë dhe një foto me banderolë ku shkruhej ‘Stop mbeturinat në Vjosë’.
