Në prag të supersfidës së pasdites së nesërme ndaj Napolit, në orën 18:00, në stadiumin “Diego Armando Maradona”, është shfaqur në konferencën e zakonshme për shtyp përpara ndeshjes, trajneri i Juventusit, Masimiliano Alegri i cili analizon këtë takim:
Ndeshja ndaj Napolit – “Do të jetë një ndeshje e mirë sepse po përballemi me një ekip me vlera të mëdha teknike dhe në një moment të mirë. Zgjedhja e formacionit nuk është i vështirë sepse kam pak lojtarë, kam zgjedhur t’i lë amerikano-jugorët në shtëpi. Kuadrado ishte i vetmi që mund të vinte. Për fat kemi tre djem të mirë De Vinter, Sule dhe Mireti të cilët do të vijnë me ne dhe ndoshta do të ketë vend edhe për ta. Nuk duhet të jetë një alibi, megjithatë, ne do të përpiqemi të arrijmë një rezultat gjithsesi.”
Mekeni – “Ai është kthyer mirë, ka punuar mirë këto ditë. Nesër ai do të jetë titullar, do të më duhet të marr parasysh se ku duhet të luajë.”
Presioni i klasifikimit – “Ne mbërrijmë me qetësi. Ka shumë ndeshje. E kuptoj që pesë pikë pas dy ndeshjeve janë shumë pak, por ja ku po vijmë. Tani le të mendojmë për nesër, pastaj të martën kemi sfidën e parë në Champions e cila është shumë e rëndësishme.”
Objektivat e Juventusit – “Objektivat e Juventusit janë që të në të gjitha ndeshjet në mars të jemi duke luftuar në të gjitha frontet. Ekipi është i shkëlqyer, duhet vetëm të përmirësohemi, duhet të rritemi si ekip dhe rezultatet sigurisht që ndihmojnë në këtë. Ne duhet të jemi të mirë në të pavarësisht nga rezultatet.”
Ronaldo – “Ronaldo nuk donte të luante më për Juventusin, ai shkoi tek Mançester Junajtid dhe në çdo rast do të kishte qenë viti i tij i fundit. Ne parashikuam se çfarë do të ndodhte brenda një viti. I urojmë Ronaldos më të mirat, por jeta vazhdon. Nuk jam i interesuar të flas për atë që ishte. Juventusi gjithmonë ka fituar si grup. Për të qenë konkurrues dhe për t’u përpjekur për të fituar, duhet të kesh ambicie të mëdha, dashuri të madhe për veten dhe pasion në atë që bëjmë.”, përfundoi trajneri i Juventusit, Masimiliano Alegri.
