Claudio Marchisio ka folur në lidhje me ndeshjen e së dielës mes Juventus dhe Milan.
“Kuqezinjtë janë më të fortë tani sepse kanë bërë një punë shumë të mirë për rindërtimin e një skuadre që në vitet e fundit ka patur disa vështirësi dhe meriton të kthehet në nivelet e mëparshme”, ka thënë ish-mesfushori për Gazzetta dello Sport.
“Bardhezinjtë janë në një fazë rindërtimi, por duhet të tregojnë se janë në lartësinë e skuadrës që ka nisur një cikël fitues. Besoj se është normale të ketë disa vështirësi gjatë rrugës dhe duhet vetëm durim. Unë kam besim, por duhet kohezion dhe bindje”.