Interi ka bërë bilancin e buxhetit për vitin 2020-2021 duke regjistruar shifrën më të lartë të humbjeve ndonjëherë nga një ekip i Serisë A.
Zikaltrit kanë humbur 245 milionë euro vitin e kaluar, duke thyer rekordin e Juves me 210 milionë euro të humbura vitin që lamë pas. Kjo është shifra më e lartë e regjistruar ndonjëherë nga një ekip i Serisë A, duke futur zikaltrit në listën e zezë.
Padyshim humbja më e madhe ka ardhur nga mbyllja e stadiumit për shkak të pandemisë, aty ku Interi ka dhe fitimet më të mëdha pasi mbështetja e tifozëve ndaj klubit nuk ka munguar kurrë.
Gjithashtu shifrat janë rritur dhe më tej nga humbja e disa sponsorëve të rëndësishëm duke shtuar dhe më tej hallet e kompanisë. Edhe pse u shpall kampione Italie, Interi vazhdon ecurinë negative në aspektin ekonomik duke ngritur një alarm të kuq për të ardhmen e klubit
