Merkato e verës është mbyllur dhe Seria A pa dyshim është varfëruar jo pak, duke parë largimet e disa fenomenëve të futbollit si Kristiano Ronaldo, Romelu Lukaku e Ashraf Hakimi, apo edhe Xhanluixhi Donaruma.
JUVENTUS
Por pikërisht këto largime kanë bërë që edhe vlerat e 20 skuadrave të Serisë A kanë ndryshuar, me Juventusin që ka ditur të rimarrë kreun e renditjes së klubit më të shtrenjtë në gadishullin Apenin, duke parakaluar Interin.
Aktualisht, bardhezinjtë vlerësohen nga rrjeti i profesionalizuar “transfermarkt”, 640.4 milionë euro, ndërsa zikaltrit janë të dytët me 573 milionë.
Podiumin e plotëson Napoli me 518 milionë euro, ndërsa Milani me 467 dhe Roma me 418 milionë mbyllin pesë vendet e para të renditjes.
Ndërkohë, skuadra më pak e shtrenjtë e 20 klubeve elitare italiane është Salernitana me kosto 35 milionë euro, shifër kjo e rritur pas merkatos së verës, falë edhe afrimit të Frenk Riberisë.
