Një lajm i bujshëm vjen nga Spanja, ku në garë për Fronk Kesinë nuk është në garë vetëm Barcelona dhe PSG, por tani është futur edhe Reali i Madridit.
KESI
Sipas asaj që raporton spanjollja “AS”, madrilenët po lëvizin që ta marrin mesfushorin nga Bregu i Fildishtë me parametra zero në muajin qershor, muaj që përkon me skadencën e kontratës me Milanin.
Ndryshe nga “Los Blancos”, PSG-ja dhe Barcelona janë të gatshme që të derdhin çdo shumë që Milani do të kërkonte për të që ta kenë për vete që në muajin janar.
Lideri i mesfushës kuqezi i ka bërë të qarta klubit kërkesat e tij ekonomike, ku kërkon plot 8 milionë euro në sezon ndërsa Milani ka “ngecur” në 6,5, çka përkthehet se nëse vazhdohet kështu atëherë Kesi me shumë gjasë do të jetë i larguari i radhës në këto kushte njësoj si Xhanluixhi Donaruma dhe Hakan Çalhanollu.
