Një gol vendimtar me kokë. Përsëri në minutat e fundit.
Cristiano Ronaldo ka qenë protagonist në fitoren me përmbysje të Manchester United kundër Atalanta-s në Champions League.
Një ndeshje e fituar 3-2 nga Djajtë e Kuq dhe që është vendosur nga ajo që për Gary Lineker është bërë specialiteti i portugezit.
Legjenda e futbollit anglez ka bërë disa komente në Twitter gjatë ndeshjes, por njëri prej tyre ka tërhequr më shumë vëmendjen e tifozëve.
“Çfarë goli nga ana e Cristiano Ronaldo-s!”, ka shkruar Lineker. “Mendoj se është pa diskutim goditësi më i mirë me kokë që futbolli ka parë ndonjëherë”.
Një kompliment i madh për portugezin, i cili e ka perfeksionuar me të vërtetë këtë gjest teknik dhe atletik që, sipas ish-sulmuesit është pika më e fortë e CR7.
