Njëzet e tetë nga tridhjetë pikët e fituara, pavarësisht urgjencës pothuajse të vazhdueshme dhe infermierisë së stërmbushur.
Milani i Piolit e ka nisur në mënyrë të shkëlqyer sezonin, por në tri javët e ardhshme kuqezinjtë do të duhet të përcaktojnë zyrtarisht veten dhe ambiciet.
Në fushë, duke filluar nga transferta në Romë kundër për të përfunduar në “San Siro” me derbin ndaj Interit. Në mes, shansi i fundit europian me Porton.
Për ta bërë këtë, Milani shpreson të jetë në gjendje të llogarisë disa kthime nga infermieria dhe të paktën për momentin shenjat duken ngushëlluese.
Ibrahimoviç tashmë është rikthyer zyrtarisht në dispozicion të kauzës dhe rrjedhimisht koha e lojës do të rritet me kalimin e ndeshjeve.
RIKTHIMET – Hernandez ka mundur COVID-in, ndërsa lojtari tjetër i negativizuar – Brahim Diaz – do të jetë sërish në dispozicion për sfidën e nesërme ndaj Romës.
Spanjolli, ashtu si të rikthyerit e tjerë, mund të mos jetë menjëherë në maksimumin e tij, por gjithsesi mbetet një opsion më se i rëndësishëm për Piolin në rolin e fantazistit.
Gjithashtu, sepse, siç pranoi edhe vetë trajneri, ka lojtarë kyç që duhet të pushojnë, Leao dhe Salmakers mbi të gjithë.
Ai që me siguri nuk do të marrë pjesë në ciklin e zjarrtë është Menja, kthimi i të cilit është planifikuar për në vitin 2022, por nga infermieria ka shenja të mira për gjendjen e Florencit dhe Mesias, të cilët, si Ture apo Kastijeho, mund të rikuperohen së shpejti.
Për ndeshjen e radhës duhet të mungojë vetëm Rebiç. Pra, Roma, pastaj Porto dhe Interi para pushimit për ndeshjet e kombëtareve.
Tri ndeshje që mund të nisin arratisjen dhe ambiciet e kuqezinjve ose të dërgojnë disa sinjale alarmi, pavarësisht një avantazhi të mirë në renditje.
