Një dorë e shtrirë, falje dhe dialog. Nuk ka reagim më të mirë ndaj atyre që mbjellin urrejtje dhe paragjykime. Mbrojtësi i Napolit, Kalidou Koulibaly u kthye për të folur për episodin racist që e përfshiu atë në fund të ndeshjes së kampionatit mes Fiorentinës dhe Napolit.
Ai e bëri këtë gjatë konferencës për shtyp në prag të ndeshjes së Ligës së Evropës kundër Legia Varshavës, duke iu përgjigjur një pyetjeje specifike nga një gazetar: “Unë nuk fjeta për dy netë dhe madje mendova se kisha gabuar, por e kapërceva atë moment fale shokëve të skuadrës dhe stafit që kanë qenë gjithmonë pranë meje. Gjithashtu kam marrë shumë mesazhe nga lojtarët dhe personazhet publikë në Itali që më kanë bërë shumë të lumtur”.
Koulibaly tha gjithashtu se ishte gati të falte djalin që e ofendoi: “Shumë njerëz më telefonuan gjithashtu nga Firence duke më kërkuar të takoja këtë djalë. Për mua nuk do të kishte probleme, do të ishte një mënyrë e mirë për të kuptuar atë që ndodhi në kokën e tij. Unë jam gati për çdo gjë për të vazhduar betejën time kundër racizmit “.
Senegalezi ishte lojtari i zgjedhur nga Napoli për të mbështetur Spalletti në konferencën tradicionale për shtyp dhe kjo nuk hedh dyshime mbi praninë e tij nga 1 ′ në atë që ai vetë e quajti “një lojë që duhet fituar absolutisht”.
Napolitët janë ende në kërkim të suksesit të tyre të parë në fushën evropiane pas barazimit në debutimin e tyre ndaj Leicester dhe humbjes fatkeqe në shtëpi kundër Spartak Moskës.
