Trajneri i njohur shqiptar, Skënder Gega i ftuar në studiot e SuperSport u shpreh se Reja ka një armë sekrete në dorë dhe ai është Armando Broja, pavarësisht mungesave të tjera në ekipin Kombëtar.
‘’Nuk duhet t’i heqim meritat askujt, duhet të japim vlerësimet që duhen. Të gjithë kanë bërë mirë në Kombëtare. Formacioni është i limitizuar, por ka një armë sekrete, Armando Brojën, unë i them ”fisheku i artë”.
Duhet të japin 100%, në qoftë se luajnë taktikisht, afër njëri-tjetrit pa frike dhe të marrin guximin të sulmojnë, shto këtu dhe praninë e tifozëve, do bëjmë mirë’’, u shpreh Skënder Gega.
