Zhorzhinjo shihet si një ndër favoritët për të fituar Topin e Artë për këtë sezon, pas triumfeve që arriti me Çelsin por dhe me Italinë në Europian. Në një intervistë italiani ka shprehur favoritin e tij për çmimin prestigjioz, por dhe për lojtarët që e kanë inspiruar.
Kujt do t’ia jepja Topin e Artë?
“Mendoj se do të votoja veten sepse dua të marr një votë. Përtej shakasë, mendoj se do t’ja jepja Kevin De Bryjnes për gjithçka që ka bërë këto vite. Ai është një lojtar shumë inteligjent”.
Idhujt në fëmijëri
“Si fillim kam luajtur si sulmues, por më pas kalova si mesfushor. Kam pasur idhull Ronaldinjon, Ronaldo fenomenin dhe Kakan. Më vonë u apasionova pas Pirlos dhe Çavit”.
Zhorzhinjo ishte protagonist vitin e kaluar dhe është një ndër favoritët për Topin e Artë këtë vit.
