Miratohet vendimi i qeverisë italiane për të ashtuquajturën “Green Pass” që do të prekë edhe tifozët e futbollit.
Nga data 6 dhjetor deri më 15 janar vetëm ata që kanë marrë “Green Pass” falë vaksinimit të të dyja dozave ose ata që janë shëruar nga COVID-19 do të pranohen në ambientet sportive dhe jo më si më parë me një tampon negativ.
Një masë ekstreme kjo e qeverisë italiane ku nga periudha 6 dhjetor deri më 15 janar do të lejohen në stadium vetëm ata që kanë pasaportën e vaksinimit si dëshmi e vaksinimit të të dyja dozave anti-COVID.
Deri tani stadiumet në Itali kanë lejuar një kapacitet deri në 75% të tifozerisë në ambjentet sportive.
