Leo Messi ka qenë fituesi i fundit i Topit të Artë.
Argjentinasi ka folur për objektivat e klubit të tij dhe Argjentinës në një vizitë te Expo 2020 në Dubai.
“Objektivi këtë vit për PSG është që të arrijë çdo objektiv dhe natyrisht të fitojë Champions League. Mendoj se ky është objektivi për të gjithë, në një kompeticion special që të gjithë skuadrat e mëdha duan ta fitojnë”, ka thënë Messi.
“Botërori? Nuk jemi favoritë, por mendoj se jemi në një pozicion të mirë pasi kemi fituar Kupën e Amerikës. Duhet të vazhdojmë të rritemi, të vazhdojmë të jemi më të fortë dhe të paraqitemi në mënyrën më të mirë në Kupën e Botës në Katar vitin e ardhshëm për të luftuar për ëndrrën”.
