Aventura e Ljuk De Jongut te Barcelona është drejt fundit, pak kohë pas mbërritjes së tij nga Sevija në formulën e huazimit.
Sipas asaj që raporton “Mundo Deportivo”, sulmuesi holandez, i cili ishte i dëshiruar edhe nga ish-tekniku Kuman, nuk shihet si opsion i vlefshëm për Ksavin dhe tashmë ai është pranë transferimit tek skuadra e Kadizit.
Akordi mes tre klubeve Barcelona, Sevija dhe Kadiz është gjendur dhe pritet vetëm “tymi i bardhë” i kësaj tratative që mund të vijë gjatë orëve të ardhshme.
Gjatë këtij sezoni me fanellën e katalanasve, 31-vjeçari është aktivizuar gjithsej në La Liga në 9 ndeshje nga ku ka mundur të realizojë vetëm një gol.