Duket se grabitjet në shtëpitë e futbollistëve janë kthyer në modë në Itali dhe viktima e radhës ka qenë Stefano Sensi, mesfushori i zikaltërve.
Gjatë ndeshjes Inter-Torino hajdutët kanë hyrë nga dritarja e kuzhinës në shtëpinë e italianit dhe kanë vjedhur një orë të lojtarit prej 70 mijë eurosh dhe sende të tjera që i përkisnin gruas së tij Xhulia Amodo, kryesisht bizhuteri dhe çanta, me një dëm material që shkon rreth 200 mijë euro.
Sensi hyri në shtëpi pas mesnate bashkë me familjen e tij që fatmirësisht nuk ndodhej në shtëpi, pasi ishte aktivizuar vetëm 8 minuta në sfidën me torinezët dhe pas minutazhit të pakët me Interin tani duhet të shqetësohet edhe për sigurinë e apartamentit të tij.
26-vjeçari e ka raportuar tashmë çështjen në organet përkatëse dhe po pret që personat përgjegjës të vihen para drejtësisë.