Dy veteranët e Juventusit, Leonardo Bonuçi dhe Xhiorxhio Kielini, kanë bërë bujë me deklaratën e fundit. Në një intervistë për një radio lokale, mbrojtësit folën për aventurën e Kristiano Ronaldos tek bardhezinjtë.
“Qëkur ai arriti tek Juventusi, ne ishim përgatitur për një vërshim të mediave, ku çdo lëvizje dhe fjalë e tij do të monitorohej. Por kur ai u bë pjesë e grupit, u soll në mënyrë normale dhe shumë mirë me të gjithë. Edhe nëse ai është një figurë njohur, me të mund të bëje shaka kollaj. Me ne ai nuk ishte yll.”
