Zherard Pike është bërë sërish protagonist në La Liga me komentet e tij për sfidën midis Real Madrid dhe Valencia. Tekniku i Vijareal, Unai Emeri, ka sulmuar mbrojtësin pas deklaratave të tij.
Pas barazimit 2-2 mbrëmjen e djeshme midis Vijareal dhe Atletiko Madrid, tekniku i “nëndetëses”, Unai Emeri, kritikoi Pike për një penallti të mohuar në sfidën e tyre me Barcelonën.
“Pike mbrëmë foli në Twitter për sa i përket arbitrimit midis Realit dhe Valencias. Por ai e harroi që ne na u mohua një penallti të cilën ai vetë e kapi me dorë brenda zonës. Në vend që të qëndrosh i heshtur, ti duhet të jesh i sinqertë dhe mos t’i ngatërrosh njerëzit” u shpreh Emeri.
Por reagimi i mbrojtësit ishte i shpejtë duke i kujtuar teknikut humbjen 6-1 që ai pësoi me PSG kundër Barcelonës. “Ky është një person që edhe pas tre viteshsërish kritikon arbitrimin e 6-1. Mësohun me këtë, Unai” komentoi 34-vjeçari.
