Sulmuesi portugez i Milanit, Rafael Leao, është i detyruar t’i paguajë ish-klubit të tij, Sportingut të Lisbonës, 16.5 milionë euro.
Në verën e vitit 2018, Leao ndërpreu kontratën e tij me Sportingun dhe u largua drejt Lilës me parametra 0. Klubi bëri një kërkesë drejt FIFA-s atë kohë për mënyrën se si lojtari ndërpreu kontratën e tij, por ata e refuzuan këtë kërkesë.
Më pas Sporting e dërgoi kërkesën në Gjykatën e Arbitrazhit Sportv (TAD), dhe duket se këta të fundit e kanë shqyrtuar çështjen. Pas kësaj duket se TAD ka fajësuar 22-vjeçarin dhe e kanë detyruar atë t’i paguaj ish-klubit të tij shifrën prej 16.5 milionë eurosh.
