E ardhmja e mesfushorit të Milanit, Frank Kesi, vazhdon të mbetet në ajër. Lojtarit nga Bregu i Fildishtë i skadon kontrata në fund të sezonit dhe në garë për të janë vendosur mjaft klube, por duke parë kërkesën e tij prej 8 milionë eurosh rrogë në sezon, duket se papritur kandidatet po tërhiqen nga interesimi për të.
Dhe skuadra e parë, të paktën siç raporton katalanasja “Sport”, është Barcelona, e cila pasi kishte intensifikuar bisedimet me Kesin në orët e fundit, ka vendosur që të heqë dorë nga tratativa me afrikanin e kuqezinjve, duke parë se edhe spanjollët, ashtu si Milani, nuk kishin ndër mend që të ngjiteshin mbi 5 milionë eurot neto në vit, nga 2.2 milionët aktualë.
Për Kesin në garë kanë mbetur mjaft ekipe të tjera, si Juventusi, Interi, PSG-ja apo edhe Reali i Madridit, ndonëse për asnjë prej tyre nuk do të jetë e lehtë që të pranojë lehtësisht dëshirën financiare të Frenk Kesit.
