Massimiliano Allegri ka folur në konferencë për shtyp në prag të ndeshjes së Kupës së Italisë që bardhezinjtë do të luajnë kundër Sassuolo-s nesër në orën 21.
KAMPIONATI – “Entuziazmi është një gjë e mirë. Ne duhet të punojmë: objektivi është që të arrijmë një nga katër vendet e para në kampionat, përveçse të shkojmë sa më larg në kupa. Mua nuk më pëlqen të ëndërroj: tre skuadrat që janë përpara , janë larg, duke marrë parasysh se Inter-i ka një ndeshje për të rikuperuar. Ne jemi në garë me Atalanta-n”.
FORMACIONI – “Do të luajë Bonuçi nga fillimi. Do të luajmë një çerekfinale, është një nga objektivat që kemi nga fillimi i sezonit. Do të luajmë kundër një Sassuolo të zemëruar, do të duhet të bëjmë një ndeshje serioze, do të na ndihmonte në përballjen direkte me Atalanta-n”.
