Një reagim që la të habitur edhe Antonio Conte. Trajneri italian nuk e priste, pavarësisht entuziazmit dhe euforisë legjitime për fitoren e Tottenhamit ndaj Manchester Cityt. Një episod që mban në qendër të vëmendjes menaxherin e Spurs por këtë herë për arsye të ndryshme nga zhurma e ngritur nga fjalët e tij.
Ish-trajneri i Interit kishte përfunduar në banken e te akuzuarve dhe kritikave për disa intervista në të cilat i dha skuadrës së tij një përqindje shumë të ulët, praktikisht inekzistente (1%), për t’u renditur në katër pozitat e para të Premier League dhe për t’u kualifikuar për Ligën e Kampionëve si dhe shprehu mospajtimin për një fushatë transferimesh dobësoi – sipas tij – skuadrën në janar.
Me 3 ndeshjeve për t’u rikuperuar, edhe nëse diferenca nga Manchester United (i katërti) është ende 7 pikë, Tottenham ka ende mundësi të mira për të reduktuar disavantazhin dhe për të provuar te beje permbysjen veçanërisht pas suksesit 2-3 në Etihad Stadium.
Një sukses i ndërtuar mbi avantazhin e Kulusevskit (ish Juve, i cili mbërriti në Londër së bashku me Bentancurin në janar) dhe mbi shtyllën e Harry Kane, i cili në të 95-ën gjen goditjen e “ko” ndaj formacionit te Pep Guardiolës.
Një sukses që pakkush do ta kishte besuar dhe që nxori gëzimin e papërmbajtshëm të Contes. Si zakonisht – u vu re edhe me rastin e eksperiencës së tij në Inter – ai feston shumë ngrohtësisht, duke iu drejtuar lojtarëve dhe duke i shtrënguar në një përqafim të fortë apo duke u shtrënguar me dorë.
Në një video që ka bërë bujë në rrjetet sociale, shohim një detaj që ushqen pyetje si: a po ndodh diçka në prapaskenë, në dhomat e zhveshjes, që nuk ka (ende) zbardhur? A ka ndoshta intolerancë ndaj trajnerit italian?
Për të kuptuar arsyet e këtyre dyshimeve, mjafton t’i hidhni një sy klipit të shkurtër ku shihet si protagonist mesfushori danez Pierre-Emile Hojbjerg, përveç vetë Kontit. Në fund të takimit tekniku i afrohet me krahët hapur por ai bën sikur nuk ka ndodhur asgjë dhe i kthen shpinën duke e lënë të shtangur.
Pse e bëri? Sipas tabloidëve, pas këtij qëndrimi mund të fshihen disa mosmarrëveshje që kanë ndodhur javët e fundit, veçanërisht lojtarit nuk do t’i pëlqente trajtimi i rezervuar nga trajneri.
Gjatë ndeshjes kundër Southampton-it ai do të shfaqte pakënaqësi të dukshme ndaj tij derisa e zëvendësoi me Bentancur, në debutimin e tij me Tottenham dhe në ligë, madje me rastin e ndeshjes me Wolverhampton-in do ta kishte shkarkuar.
A mund të jetë vërtet kjo arsyeja për atë gjest të zemëruar? Sipas një versioni tjetër mund të jetë një gjest i pavullnetshëm, aspak i diskutueshëm. Dhe mimika e Contes tregon vetëm një pjesë të së vërtetës.
Quite interesting this situation. Why is Pierre just walking away from Conte like that? Maybe something is going on hehind the scenes? pic.twitter.com/7cQsfwHwZQ
— Martin🇳🇴 (@NorwegianSpursy) February 19, 2022
