Chelsea ka disa ditë që është futur në një krizë të madhe jashtë fushave të blerta.
Kjo pasi Qeveria e Britanisë së Madhe e ka sanksionuar presidentin e klubit, Roman Abramovich.
Pronari rus tashmë ka hequr dorë nga klubi londinez dhe Chelsea është në prag të shitjes.
Raportet e fundit nga Anglia thonë se Chelsea mund të përfundojë në duart e sheikëve.
Miliarderi saudit, Mohamed Alkhereji ka bërë ofertë zyrtare për skuadrën londineze.
Plot 3.5 miliardë euro ka ofruar sheiku arab. Alkhereji është pronar i konzorciumit “Engineer Holding Group” dhe numëron pasuri përrallore.
Ai njihet edhe si tifoz i flaktë i skuadrës angleze. Mbetet të shihet nëse qeveria britanike do të lejojë negocimin me sheikun arab për shitjen e Chelseat.
Aktualisht asetet e pronarit Abramovich janë të ngrita dhe Chelsea mund të shitet vetëm me leje speciale nga Qeveria.
