Milani ëndërron madhërishëm. Fillimisht Aleksi Salmakers dhe më pas Zhunior Mesias garantuan angazhim dhe aplikim, por për të përshpejtuar duhet diçka tjetër. Driblime, gola, asistime.
Një repertor që sigurisht i përket Domeniko Berardit, 29 ndeshje sezonale në Serinë A, 14 gola dhe 15 asiste bëjnë që të jetë në sezoni i tij më i mirë te Sasuolo, pas së cilës ai më në fund do të jetë gati për hovin e madh.
Milani vëzhgon dhe ruan kontaktet: është një profil në logjikën e pronësisë aktuale. Investimi do të ishte i konsiderueshëm, rreth 30 milionë, por me një shans të mirë që Berardi, 27 vjeç, të rrisë vlerën e tij te kuqezinjtë.
Mahrez dhe Asensio janë dy emra të tjerë për rolin e anësorit të djathtë, por falë “Investcorp”, Maldini e Masara do të kenë mundësinë të bëjnë goditjen e duhur pa u ngutur.
MESFUSHA – Në rast se Milani, në fakt, nuk do të godiste Renato Sançesin në merkaton ardhshme të verës, është gati një plan i ri në atë rol. Ndër emrat e përmendur është Julian Vaigl, i lindur në vitin 1996, i Benfikës.
Njëkohësisht, drejtuesit kuqezi po vlerësojnë edhe profilin e Florian Griliçit, austriaku 27- vjeçar, i cili do të çlirohet nga Hofenhaimi në verë pa asnjë kosto.
Megjithatë, në orët e fundit është shfaqur një tjetër pistë. Thashethemet e tregut të transfertave kombinojnë Milanin me Granit Xhakën, mesfushorin e Arsenalit.
Një lojtar me eksperiencë, në kulmin e karrierës së tij, përkrah Sandro Tonalit apo Ismael Benaserit, do t’i garantonte “Djallit” cilësinë dhe besueshmërinë për të konkurruar në Champions si protagonist.
Duke iu referuar kontratës ‘Topçinjtë’ e vlefshme deri më 30 qershor 2024, 30-vjeçari kushtonte rreth 20 milionë euro. Sigurisht ai është pikërisht zgjedhja e parë e kuqezinjve, por, pa dyshim, përfaqëson një opsion që nuk duhet anashkaluar.