Modibo Diakite është transferuar te skuadra amatore e kryeqytetit, Roma Siti, e cila militon në Grupin F të Serisë D italiane.
Mbrojtësi francez më parë është aktivizuar me Lacion ku ka qenë edhe shok reparti me ish-kapitenin e Kombëtares shqiptare, Lorik Cana.
Një transferim surprizë ky i 35-vjeçarit teksa la ekipin e Ternanës në Serinë B për të kaluar në futbollin amator italian.
Diakite prej 7 vitesh veshi fanellën e Lacios, ndërsa më parë ka luajtur edhe me Peskarën, Fiorentinën, Sandërlendin, Deportivo La Korunja, Kaljari, Frozinone, Sampdoria dhe Bari.