Në kryeqytet, pjesa verdhekuqe, është e bindur për të ardhmen, të paktën kur bëhet fjalë për trajnerin. Presidenti Friedkin dëshiron me çdo kusht të vijojë bashkëpunimin me tekniku portugez i cili këtë periudhë refuzoi disa oferta, mbi të gjitha refuzoi stolin e përfaqësueses luzitane duke i premtuar besnikëri Romës.
Sipas Corriere dello Sport, palët, Mourinho dhe presidenti, janë në kontakt të vazhdueshëm ndërmjet tyre, me bosin e klubit që i ka shprehur në më shumë se një herë dëshirën për të zgjatur bashkëpunimin, kontrata aktuale skadon në 2024.
Mourinho
Gjithnjë sipas të përditshmes italiane nuk do të jetë e vështirë që palët të gjejnë gjuhën e përbashkët, por vetëm në përfundim të këtij sezoni. “Speciali” kërkon siguri, kërkon përforcime cilësore për të qenë konkurrues në Serie A dhe Evropë.