Në shtëpinë e “Zonjës së Vjetër” ka shumë paqartësi në lidhje me të ardhmen. Hapja e një hetimi për çështjen e “pagave” pritet të sjellë skenarë të rinj, me Juven që mund të dënohet, me gjobë apo me heqje pikësh, ndërsa skenari më i keq është heqja e të drejtës për të luajtur në kompeticionet evropiane. Nuk është pozitive as paraqitja e ekipit në fushë, bardhezinjtë mbyllën sezonin e dytë radhazi pa trofe.
Sipas La Gazzetta dello Sport, duke iu referuar pikërisht këtyre detajeve të lartpërmendura, e ardhmja e Allegrin nuk është aspak e sigurt. Për motive ekonomike, nga Torino mund të largohet edhe Dusan Vlahovic, do të jetë ai i sakrifikuari i parë, në një kohë kur interesimi është i madh nga ekipet e Premier League.
Nëse qëndron Allegri, me shumë mundësi i pari që do të largohet do të jetë Fedrico Chiesa. Sulmuesi “azzurr” nuk preferohet nga Allegri, nuk shihet si alternativë e parë, për këtë arsye Chiesa po reflekton largimin.
