Mund të mos ketë vend për blerje shumë të shtrenjta për Manchester United pasi “Djajtë e Kuq” kanë vendosur të gjitha paratë e tyre në dispozicion për Hojlund që mbetet në krye të listës së dëshirave. Gjithashtu, klubi anglez synon edhe një përforcim në mesfushë, me Amrabat të Fiorentinës që është në “Pole Position”.
Sipas asaj që shkruan Mirror, Manchester United nuk ka ndërmend të vazhdojë sulmin ndaj holandezit të Interit, Denzel Dumfries, për shkak të mungesës së parave. Kështu, po mendon për zgjatjen e kontratës aktuale me mbrojtësin 25-vjeçar anglez (me origjinë kongoleze) Aaron Wan-Bissaka.
