Aventura e mundshme e sulmuesit serb Dusan Vlahovic te skuadra e PSG nuk nis në mënyrën më të mirë të mundshme. Edhe pse mungon ende marrëveshja e zyrtarizimi për të sjellë sulmuesin në Paris, një pjesë e ultrasve të PSG nuk e kanë pritur mirë këtë transferim.
Në Francë po qarkullon një parrullë kërcënuese e postuar në rrjetet sociale, adresuar sulmuesit të Juventusit. “Vlahovic, në Paris do të t’i presim 3 gishtat”. Parrulla mbahet nga një grup tifozësh. Mediat mendojnë se kjo parrullë ka lidhje me bindjet politike të sulmuesit serb.
Në të shkuarën, ai ka nxjerrë 3 gishtat që tregojnë Serbinë e Madhe, një simbol i serbëve që nuk e njohin Kosovën e kufijtë e saj. Ky gjest duket se nuk u pëlqen tifozëve të PSG, atyre më të zjarrtë, që kanë vendosur t’i dërgojnë një mesazh të qartë sulmuesit ende pa firmosur kontratën.
