Armando Broja nuk po shfaqet te ekipi i Chelseat, me drejtuesit që e kanë ‘degdisur’ sulmuesin e Kombëtares në ekipin e të rinjve, si shenjë për t’u larguar këtë verë.
Tanimë për 22-vjeçarin ka dalë në skenë një ofertë interesante, me Stuttgart në Bundesligë që ka filluar të ‘trazojë ujërat’.
‘Sky Sport De’ ka raportuar se Stuttgarti ka nisur zyrtarisht negociatat me Chelsean dhe është duke kërkuar huazimin e Brojës. Stuttgart është një mundësi shumë interesante, pasi do të jetë në fazën e grupeve të Champions League.Ende nuk ka një përgjigje nga Chelsea, që më herët refuzoi një shumë prej 32 milionë eurosh nga Everton për sulmuesin kuqezi. Pritet që kjo javë të jetë kyçe për të ardhmen e Brojës, i cili është dërguar në ekipin e të rinjve.
