Premier League, Serie A, La Liga, Bundesliga dhe Ligue 1 kanë gjetur akordin dhe nga sezoni i ri do ketë një ndryshim të madh në tregun e transferimeve të verës.
Sipas ‘The Times’, institucionet që komandojnë nivelet më të larta të futbollit do të ndërmarrin këtë masë të re në mënyrë që nga sezoni i ardhshëm tregu i transferimeve të mbyllet më 15 gusht.
Ligat elitare kanë pranuar kërkesën e Premier League dhe duket se janë dakord që merkato të përfundojë përpara nisjes së sezoneve për vitin që vjen. Në favor të këtij vendimi janë edhe drejtuesit e Shoqatës Evropiane të Klubeve. Me një rol të fortë në tregun e futbollit, Arabia Saudite priret të mos jetë pjesë e marrëveshjes.
Kjo duket si një lloj bllokade për Arabinë Saudite, që me milionat e naftës ka afruar në ligë shumë nga emrat më në zë të futbollit evropian.
