Kategoria e Parë e futbollit në vend zhvilloi ndeshjen e katërt për javën e 23-të. Këtë të diel në fushën e Plugut në Lushnje, Besa fitoi si vendase 2-1 kundër Kukësit.
Kavajasit që vijojnë të jenë pa një stadium e shohin veten të migrojnë çdo dy javë për të gjetur një shtëpi dhe paçka se i zhvillojnë të gjitha ndeshjet në udhëtim janë pretendentë për Superligën.
Sot ndeshja u zhbllokua nga Abdulai në minutën e 26-të, ndërsa Patric Nonato në fundin e pjesës së parë i dha skuadrës së Emiliano Çelës avantazhin e dyfishtë. Kukësi mbeti me dhjetë lojtarë në minutën e 45+4, pasi Malaj doli me karton të kuq. Edhe pse verilindorët shkurtuan me Avdiun në fillimin e pjesës së dytë, suksesi foli për Besën, me trajnerin Çela që mposhti ish-ekipin e tij.
Kategoria e Parë nisi të shtunë me tre duele dhe raundin e 23-të do e mbyllë të hënën me dy përballje që nisin në orën 13:30.
Kategoria e Parë, raundi 23 – 13:30
E shtunë, 15 shkurt 2025
Flamurtari 2-0 Valbona
Lushnja 1-0 Kastrioti
Vora 2-0 Erzeni
E diel, 16 shkurt 2025
13:30 Besa 2-1 Kukësi
E hënë, 17 shkurt 2025
13:30
Pogradeci – Apolonia
Burreli – Korabi
Renditja:
