Superliga shqiptare e futbollit është duke përgatitur ndeshjet e raundit të 30-të. Pesë duelet janë të ndara të shtunën dhe të dielën, në orare të ndryshme.
Vllaznia do të presë Skënderbeun në “Loro Boriçi” të shtunën në orën 18:00, ndërsa në po të njëjtën orë Egnatia kryesuese do të përballet me Tiranën në stadiumin “Arena Egnatia”.
Bylis – Laçi është sfida hapëse e të dielës. Ballshiotët presin në shtëpi ekipin e Laçit në orën 15:00. Duke nisur nga ora 18:00 do të zhvillohen dy ndeshjet e tjera të javës së 30-të. Teuta do të udhëtojë drejt “Arenës së Demave”, aty ku do të përballet me Partizanin, ndërsa AF Elbasani do të luajë kundër Dinamos në “Elbasan Arena”.
Superliga, raundi 30-të:
E shtunë, 15 mars 2025
18:00 Vllaznia – Skënderbeu
18:00 Egnatia – Tirana
E diel, 16 mars 2025
15:00 Bylis – Laçi
18:00 Partizani – Teuta
18:00 AF Elbasani – Dinamo
