Një takim fillestar prezantues midis CEO së AC Milan, Giorgio Furlani dhe Igli Tare, favoriti për t’u bërë drejtori i ri sportiv i AC Milan, përfundoi në mesditë në Romë.
Siç u raportua edhe më parë, takimi i sotëm ishte i rëndësishëm, por jo vendimtar. Në fakt, këto nuk do të jenë orët vendimtare për të ardhmen e Tares te Milani, por së shpejti do të planifikohen takime të reja mes drejtuesve të kuqezinjve dhe ish-menaxherit të Lacios.
Në raundin e parë të bisedimeve nuk u fol për një kontratë dhe, në mënyrë të pashmangshme, herët a vonë duhet të ketë një takim të ri me pronarin e klubit, Gerry Cardinale, të cilin Tare e takoi në Londër në muajin shkurt.
Pas bisedës përfundimtare javën e ardhshme me pronarin amerikan të Milanit, pritet që edhe të zyrtarizohet si drejtori sportiv i 7 herë kampionëve të Europës.
