Fisnik Asllani po shkëlqen me Hoffenheim. Sulmuesi dardan pëlqehet nga disa skuadra dhe gara për të në merkatot e ardhshme, pritet të jetë e ashpër. Për këto zëra ka folur vetë Asllani, në një intervistë të dhënë së fundmi.
“Sigurisht që dëgjoj dhe lexoj gjëra të tilla. Është privilegj dhe ndihem pak krenar, por jam i përqendruar te Hoffenheim, te ndeshjet, javët dhe muajt e ardhshëm. Kjo është më e rëndësishmja për mua. Do të shohim çfarë ndodh në fund. Çdo gjë në kohën e duhur.
“Sigurisht që flas për të ardhmen me familjen dhe miqtë e afërt. Nuk jam më 18 vjeç, ndaj duhet të planifikoj karrierën dhe jetën. Duhet të di deri ku dua të shkoj, çfarë dua, të njoh veten dhe të zbuloj çfarë është e rëndësishme për mua, cilat janë prioritetet e mia.” Asllani ndiqet nga ekipe si Bayern apo edhe Barcelona.
