Mesoma Umejiego është zyrtarisht një lojtar i Teutës. “Djemtë e detit” prezantuan sulmuesin nga Nigeria, që bëhet afrimi i dytë zyrtar pas Abdurraman Fangajt.
Umejiego u kthye në çështje tek Apolonia. Pikërisht aty ku spikati me golat e tij në Kategorinë e Parë.
Bomberi i sulmit nuk pranoi rinovimin, për këtë edhe përfundoi në tribunë gjatë sezonit të fundit. Dhe pse luajti vetëm 13 ndeshje, shënoi 11 gola në total.
Njoftimi i Teutës: Mirë se erdhe në Durrës, Mmesoma!
KF Teuta njofton zyrtarisht arritjen e marrëveshjes me sulmuesin shtatlartë Mmesoma Umejiego, i cili bashkohet me skuadrën durrsake nga KF Apolonia.
Sulmuesi nigerian vjen pas një sezoni mjaft pozitiv, ku realizoi 10 gola në 13 ndeshje me fanellën e Apolonisë, duke konfirmuar cilësitë e tij në repartin ofensiv.
Klubi i uron Mmesoma Umejiegos mirëseardhje në familjen blu dhe shumë suksese me fanellën e Teutës”.
