Luftëtari vazhdon përgatitjet për duelin e parë në Europa LEAGUE me letonezët e Ventspils. Optimizmi te gjirokastritët është i madh duke shpresuar se do të debutojnë me këmbë të mbarë në kompeticion e futbollit europian të dytë për nga rëndësia. Tekniku slloven Milos Kostic nuk sheh asnjë pengesë nga kundërshtarët balltik, edhe pse ata kanë nisur sezonin e ri futbollistik përpara kohe në raport me Luftëtarin.
Faktori kohë duhet të shfrytëzohet në maksimum nga skuadra dhe sipas 46-vjeçarit besimi te kualitetet e skuadrës duhet të rritet pasi edhe pse nuk kanë luajtur në të kaluarën në evente europiane, skuadra i zotëon të gjithë faktorët për të qenë një ekipi i standarteve europiane.
Ndeshja me Ventspils do të luhet ditën e enjte në Letoni.
