Real Madrid kërkon të sulmojë në merkaton e verës. Dhe ylli i Botërorit Romelu Lukaku është në krye të listës së dëshirave. Por për të marrë belgun duhet të heqë dorë nga një yll i ekipit.
Sipas gazetës së famshme për lajme të bujshme, Don Balon, koha e Gareth Bale ka mbaruar pas pesë viteve te Los Blancos. Ai raportohet se do të rikthehet në Premier League.
Ndërkohë, trajneri i Manchester United Jose Mourinho është gati të bëjë sakrifica për të marrë lojtarin e dëshiruar prej shumë kohësh, Bale.
Por për të marrë shërbimet e uellsianit, do t’i duhet të heqë dorë nga Romelu Lukaku, i cili ka shkëlqyer në Kupën e Botës me Belgjikën.
Në Madrid Lukaku do të shtonte konkurrencën për një vend në qendrën e sulmit.