Juventus sjell Cristiano Ronaldon në Itali. Roma përgjigjet në mënyrë indirekte duke u radhitur në krah të Lionel Messi. Vetëm dy minuta pas njoftimit të transferimit të portugezit të jashtëzakonshëm në Torino, klubi verdhekuq ka publikuar një postim në “Twitter”, shoqëruar me një kolazh fototsh të përqafimit mes legjendës së Romës, Francesco Totti dhe Lionel Messi me diçiturën: “The King of Rome and the GOAT (akronim Greatest of all times)”, që pëkthehet: “Mbreti i Romës dhe më i madhi i të gjitha kohërave”.
Një koment që merr shkas nga polemika e nisur në distancë mes dy futbollistëve që përpara fillimit të Kupës së Botës në Rusi, kur Messi u nominua më i miri i të gjitha kohërave nga revista Paper, shoqëruar me jë foto të tijën në kopertinë, me një cjap, që në anglisht quhet goat dhe korespondon me akronimin e “Greatest Of All Times”, ndërsa Ronaldo iu përgjigj duke përkëdhelur mjekrën pas golit të realizuar ndaj Spanjës. Një mesazh ky që ka bërë xhiron e botës në vetëm pak momente, duke marrë shaks mbi të gjitha nga momenti i publikimit të zgjedhur nga klubi roman, që me këtë postim ka thumbuar Juventusin dhe vetë CR7.
The King of Rome and the GOAT 👑🐐 pic.twitter.com/Jav7OLjHaR
— AS Roma English (@ASRomaEN) July 10, 2018
