Rinovimi i dy futbollistëve kryesorë të Tiranës Asion Daja dhe Dorian Kërçiku zvarritet nga dita në ditë. Fakti që ata ende nuk kanë firmosur rinovimin me klubin bardheblu i shton më tepër shqetësimet trajnerit Ze Maria që nuk mendon t’i shikojë jashtë skuadrës dy lojtarët. Pikat financiare kanë bllokuar qëndrimin e të dyve me 24-herë kampionët e Shqipërisë.
Kjo situatë i shërben Flamurtarit që shtyn më tepër drejt rrëmbimit të Dajës dhe Kërçikut.Vlonjatët i preferojnë shumë dyshen e Tiranës. Por mungesa e përgjigjes përfundimtare ka trazuar ambjentin bardheblu.
