Këtë të shtunë u publikua lista e kombëtares për ndeshjet e Nations League. Trajneri Maran bëri zgjedhjet e tij, teksa befasoi jo pak.
Mes të grumbulluarve është edhe Etrit Berisha, i cili rikthehet kështu në kombëtare. Berisha nuk luante me kuqezinjtë, që prej Euro 2024.
“Berisha është lojtar që po tregon se është mirë, kam folur me të. Kemi edhe mungesën e Strakoshës dhe vlerësova portierët më të mirë që ishin në këto momente dhe ai hyn mes tyre, e telefonova dhe ishte i lumtur”.
Në listë mungon Broja dhe Bajrami, me teknikun që e ka parë të arsyeshmë të mos i ftojë. “Sa i përket Brojës e Bajramit, vlerësova kushtet e përgjithshme, momentin, nuk është derë që mbyllet. Kam folur me ta, në këtë moment kam bërë zgjedhje të ndryshme, janë zgjedhje të diktuara nga momenti dhe kaq”.
